ఆంధ్రభారతి - తాళ్లపాక అన్నమాచార్య కీర్తనలు - కోపములిద్దరిలో గోరగించీఁ జూడరే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2-3
సంపుటము: 5-8

తాళ్లపాక అన్నమాచార్య

రాగము: ఆహిరి

కోపములిద్దరిలో గోరగించీఁ జూడరే పైపైనె జవరాలు పంపెడి నింతులను	॥పల్లవి॥
అమ్మ విలువఁగనంపె నాతని రమ్మనరే దిమ్మరై వీదులవెంట దిరిగీనని కమ్మరఁ గమ్మరనేల కలహమిద్దరిలో దుమ్ములుగాఁ గస్తూరి ధూళి లేచె మేనులు	॥కోప॥
దేవులమ్మ నిలిచీన దేవుని రమ్మనరే ఆవలనెవ్వతెకు లోనాయెనో యని తావుల బుగులడిచి తను వెల్లానిదివో లావాయ జగడాలు లలనకుఁ దనకు	॥కోప॥
లకిమమ్మ కేమైనా లంచము లిమ్మనరో శుకవాణి తలపు మూసుక తియ్యదు వెకలియై సతిఁగూడె వేంకటేశ్వరుఁడు ఒకరొకరికి లోలో నొద్దికలు ఘనము	॥కోప॥