ఆంధ్రభారతి - తాళ్లపాక అన్నమాచార్య కీర్తనలు - ఇచ్చకాలు నాకు నీకు నిఁక నేలరా నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 2-6
సంపుటము: 5-11

తాళ్లపాక అన్నమాచార్య

రాగము: సామంతం

ఇచ్చకాలు నాకు నీకు నిఁక నేలరా నీ- యచ్చపుఁ గోరిక నాతో నానతీరా వోరి	॥పల్లవి॥
అమ్మితి నామేను నీకు నప్పుడె వోరి చూపుఁ- జిమ్ముల నేఁచకేమైనాఁ జిత్తగించరా అమ్మకచెల్ల నే నీకు నడ్డమా వోరి యింపు గుమ్మరింపుచు నాగుట్టు కొల్లగొంటివోరి	॥ఇచ్చ॥
జట్టి గొంటివిదె నన్ను జాలదా వోరి యీ- చిట్టంట్ల నీవేఁచక చిత్తగించరా ఎట్టైనా నేనీకింత యెదురా వోరి నీ- పట్టిన చలమే చెల్లె బాపురా వోరి	॥ఇచ్చ॥
వేసాల వేంకటగిరివిభుఁడా నేఁడోరి నీ- సేసిన మన్ననలిట్టె చిత్తగించరా వాసన కస్తూరిమేని వన్నెకాఁడ నీ- యాసల మేకులే దక్కెనద్దిరా వోరి	॥ఇచ్చ॥