ఆంధ్రభారతి - తాళ్లపాక అన్నమాచార్య కీర్తనలు - ఎట్టు వోరిచెనో కాని యింత దడవు - అప్పు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 3-2
సంపుటము: 5-13

తాళ్లపాక అన్నమాచార్య

రాగము: సామంతం

ఎట్టు వోరిచెనో కాని యింత దడవు - అప్పు- డట్టు నిట్టుఁ దల్లడించె నతఁడంతలోననే	॥పల్లవి॥
అంటఁగాక వున్నదానవని యెఱుగక యాతఁ- డింటికిట్టె రాఁగా నీవు నెదురువోయి వొంటకున్నరీతి దవ్వులనున్న నినుఁ జూచి అంటఁజేరి చిన్వఁబోయె నతఁడంతలోననే	॥ఎట్టు॥
వేడుక నాతఁడు రాఁగా వెనకవెనకకుఁ బోయి తోడనే సిగ్గును నవ్వుఁ దొలఁకఁగాను వీడి వీడని కొప్పు విసరుచుఁ దలయూఁచ- నాడనే మూర్చవోయె నతఁడంత లోననే	॥ఎట్టు॥
చయ్యనఁ బన్నీటి మజ్జనమాడి నీవు నేఁడు ఉయ్యాలమంచముమీఁద నుండఁగాను నెయ్యపు వేంకటపతి నినుఁగూడి పరవశ- మయ్యీనబ్బురముగ నతఁడంతలోననే	॥ఎట్టు॥