ఆంధ్రభారతి - తాళ్లపాక అన్నమాచార్య కీర్తనలు - పొద్దు వొద్దుకును వలపుల నేఁచేవు వద్దు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 3-5
సంపుటము: 5-16

తాళ్లపాక అన్నమాచార్య

రాగము: కాంబోది

పొద్దు వొద్దుకును వలపుల నేఁచేవు వద్దు బుద్దిగాదు నీకు నేఁప భువనమోహినిని	॥పల్లవి॥
అప్పుడు మా విన్నపము లాలకించఁ బొద్దులేక యిప్పుడు విచ్చేసినాఁడవిఁక నైనాను చెప్పరాని విన్నియును చిత్తగించి చూతు గాని చప్పర మంచములోని చక్కని కోమలిని	॥పొద్దు॥
అలసి మాతోడ మాటలానతియ్య వేళగాక యెలయించ వచ్చినాఁడ వింతలోననే సొలపు మాటలు గావు చూడు నీవే మేడమీఁద చెలులపైనొరగిని జిగి గుబ్బలాఁడిని	॥పొద్దు॥
వేఁగెడి రమణిఁ జూచి వేగినంతకు రావైతి మాఁగెఁగా యింతట నీ మనసైనాను వేఁగు వచ్చెనా నీకు వేంకటేశ కృపఁజూడు కాఁగిట నవధరించు కన్నుల కలికిని	॥పొద్దు॥