ఆంధ్రభారతి - తాళ్లపాక అన్నమాచార్య కీర్తనలు - ఇదిగాక సౌభాగ్య మిదిగాక తపము మఱి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 3-6
సంపుటము: 5-17

తాళ్లపాక అన్నమాచార్య

రాగము: ముఖారి

ఇదిగాక సౌభాగ్య మిదిగాక తపము మఱి యిదిగాక వైభవంబిఁక నొకటి కలదా	॥పల్లవి॥
అతివ జన్మము సఫలమై పరమయోగివలె- నితర మోహపేక్షలిన్నియును విడిచె సతికోరికలు మహశాంతమై యిదె చూడ సతత విజ్ఞాన వాసనవోలె నుండె	॥ఇది॥
తరుణి హృదయము కృతార్థతఁ బొంది విభుమీఁది పరవశానంద సంపదకు నిరవాయ సరసిజానన మనోజయమంది యింతలో సరిలేక మనసు నిశ్చల భావమాయ	॥ఇది॥
శ్రీవేంకటేశ్వరుని జింతించి పరతత్వ- భావంబు నిజముగా బట్టెఁ జెలియాత్మ దేవోత్తముని కృపాధీనురాలై యిపుడు లావణ్యవతికి నుల్లంబు దిరమాయ	॥ఇది॥