ఆంధ్రభారతి - తాళ్లపాక అన్నమాచార్య కీర్తనలు - వలపారగించవమ్మ వనిత నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 4-8
సంపుటము: 5-25

తాళ్లపాక అన్నమాచార్య

రాగము: దేశి

వలపారగించవమ్మ వనిత నీ- యలుక చిత్తమున కాఁకలి సేసినది	॥పల్లవి॥
అడియాసలనె పక్వమైన సోయగపు- వెడయలుకల మంచి వేఁడి వేఁడి రుచులు ఎడసేసి తాలిమి నెడయించి పైపైనె పొడమిన తమకంపు బోనము వెట్టినది	॥వల॥
ఆమంచి మధురంపు ఆధరామృతముల వేమారుఁ దావులు చల్లు వెన్నెలబయటను కొమలపుఁ దరితీపు కోరికఁ గుమ్మరించి భామకు పూబానుపు పళ్ళెము వెట్టినది	॥వల॥
కన్నుల కాంక్షలనెడి కళవళములు దీరె సన్నపు నవ్వులనెడి చనవగ్గలించెను అన్నువపు మరపు నీ కంతవింతఁ గలిగె నేఁ- డిన్నియును దిరువేంకటేశుని మన్ననలు	॥వల॥