ఆంధ్రభారతి - తాళ్లపాక అన్నమాచార్య కీర్తనలు - అప్పటి యెండ చెమటలట్టే వుండీనా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 5-1
సంపుటము: 5-26

తాళ్లపాక అన్నమాచార్య

రాగము: శ్రీరాగం

అప్పటి యెండ చెమటలట్టే వుండీనా నెప్పు దప్ప బొంకేవు నే నెఱంగనా	॥పల్లవి॥
ఆవులఁ గాచిన నాటి యడవికంపల జీర- లావల నేఁడు మాయక అట్టే వుండీనా యేవంక నెవ్వతో నిన్ను నెనసి చేసిన చేఁత నీ వెంత మొఱఁగిన నే నెఱంగనా	॥అప్పటి॥
వెన్నలు ముచ్చిలునాఁడు వేడి పాలారగించిన అన్నువ నీమోవిపొక్కులట్టే వుండీనా వన్నెకాడ యెవ్వతెకో వలలఁ జిక్కిన నీ- నిన్న మొన్నటి సుద్దులు నే నెఱంగనా	॥అప్పటి॥
రంగుగ మధురలోని రమణి మెత్తిన నాటి- అంగడి గందపుఁ బూఁతలట్టే వుండీనా చెంగట మొఱగి కలసితివి వేంకటరాయ నింగి మోచిన చేఁతలు నే నెఱంగనా	॥అప్పటి॥