ఆంధ్రభారతి - తాళ్లపాక అన్నమాచార్య కీర్తనలు - పోనీ పోనీలే నీ పొందులేఁటికి నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 5-2
సంపుటము: 5-27

తాళ్లపాక అన్నమాచార్య

రాగము: శంకరాభరణం

పోనీ పోనీలే నీ పొందులేఁటికి నీ- యాననము చెమరించె నయ్యో నీ యలుకా	॥పల్లవి॥
ఆన వెట్టఁగా విచ్చే సేవమ్మపాదాల మీఁదనే కానీ కానీలే యెక్కడికో నీవు మానవతితో బింకాలు మానవా యింకాను నీ- మేనెల్లా బడలెను యేమిటికి నీ యలుక	॥పోనీ॥
బంగారు దుప్పటికొంగు పట్టఁగానే పెనఁగేవు అంగడి వీధిలో నవులే నీవు రంగైన సతికోపమెరఁగవా యింకాను నీ- తొంగలి రెప్పల నీటఁ దోఁచీలే నీ యలుక	॥పోనీ॥
తెరవ నిన్నరగంటఁ దిట్టఁగానే బిగిసేవు మఱపుఁ దెలివితో మఱియు నీవు కరఁగి కూడితివి వేంకటగిరి మీఁద నున్న- నెరజాణ విట్టలుఁడ నేఁడుగా నీ యలుక	॥పోనీ॥