ఆంధ్రభారతి - తాళ్లపాక అన్నమాచార్య కీర్తనలు - ఎక్కడికినెక్కడ యేడకునేడ నే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 6-2
సంపుటము: 5-33

తాళ్లపాక అన్నమాచార్య

రాగము: సామంతం

ఎక్కడికినెక్కడ యేడకునేడ నే- నొక్కతె నాతనికటరో సతులు	॥పల్లవి॥
ఆయఁబోయ నాఁడె నాకు నాతనికి నేమివోదు రాయిడి యీచేఁతలకు రాయఁడితఁడు పాయమెల్లా జట్టిగొనె పచ్చిగా నన్నింత సేసెఁ నోయమ్మ తడవకురో యీరోఁతలు	॥ఎక్కడి॥
చెప్పకు చెప్పకు నాకు సిగ్గయ్యీనిఁకనేల నొప్పి సేసె నాతఁడింత నొచ్చితి నేను కప్పినఁ బోవు సేఁతలు కాలినపుండ్లలోన- నుప్పులు చల్లక తలరో సతులు	॥ఎక్కడి॥
చాలుఁ జాలు నేల నాఁడే చవిగొన్న కూరలకు మేలుఁ గీడుఁ గొనియాడ మీఁద మీఁదను జాలిఁబెట్టి వేంకటేశ్వరుఁడు నన్నిదె రతి- నోలలాడిండెను చూడరో పొందులు	॥ఎక్కడి॥