ఆంధ్రభారతి - తాళ్లపాక అన్నమాచార్య కీర్తనలు - తలఁచి వేరొకటాడఁ దడఁబడీని - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 6-3
సంపుటము: 5-34

తాళ్లపాక అన్నమాచార్య

రాగము: వరాళి

తలఁచి వేరొకటాడఁ దడఁబడీని మలసిన నీ కేల నోర మాట వెళ్ళీనే	॥పల్లవి॥
ఇంచుకంత నెరసున్నానేఁచిన రెప్పలవెంట నించి నించి కన్నులలో నీళ్ళుగారీని యెంచరాని నీకన్నులెదుట నాతఁడుండఁగాను యెంచిన నిదుర నీకు నేల వచ్చీనే	॥తలచి॥
ఎక్కువభారము మేననించుకంత దోఁచినాను తక్కరి యీ దేహమెల్లాఁ దల్లడించీనే మక్కువ నీ విభుఁడు నీమతినిండి వుండఁగాను వెక్కసాన నేరీతి వేగించేవే	॥తలచి॥
వెలయగఁ గోపమొకవీసమంత దోఁచినాను కలిగిన ముదమెల్లా గాలిఁబోయీని కలిసితినిదె వేంకటపతి నాతని- నెలయింత తమకాన నేడ దాఁగేవే	॥తలచి॥