ఆంధ్రభారతి - తాళ్లపాక అన్నమాచార్య కీర్తనలు - కడలుడిపి నీరాడఁగాఁ దలఁచువారలకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 36-7
సంపుటము: 1-226

తాళ్లపాక అన్నమాచార్య

రాగము: శుద్ధవసంతం

కడలుడిపి నీరాడఁగాఁ దలఁచువారలకు కడలేని మనసునకుఁ గడమ యెక్కడిది	॥కడలు॥
దాహమణఁగిన వెనుక తత్వమెరిఁగెదనన్న దాహమేలణఁగు తా తత్వ మే మెరుఁగు దేహంబుగల యన్ని దినములకుఁ బదార్థ- మోహమేలుడుగు దా ముదమేల కలుగు	॥కడలు॥
ముంద రెరిఁగిన వెనుక మొదలు మరచెదనన్న ముంద రేమెరుఁగుఁ దా మొదలేల మరచు అందముగఁ దిరువేంకటాద్రీశు మన్ననల కందువెరిఁగిన మేలు కలనైన లేదు	॥కడలు॥