ఆంధ్రభారతి - తాళ్లపాక అన్నమాచార్య కీర్తనలు - తన్నుఁ బాసి నేనింత దంటనట యీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 7-1
సంపుటము: 5-38

తాళ్లపాక అన్నమాచార్య

రాగము: మంగళకౌశిక

తన్నుఁ బాసి నేనింత దంటనట యీ వెన్నెలబాయిట రేయి వేగుఁటింత చాలదా	॥పల్లవి॥
ఇంటికి రాకుమని నేనంటినట చూడవే అంటఁగాక వున్న దాన నంటినో యేమో కంటికి నిద్దురరాక కాఁకలనే పొద్దువోక వొంటి నేఁ బానుపున రేయుంటి నింత చాలదా	॥తన్ను॥
అప్పటి దగ్గరి నే రానై తినట చూడవే కొప్పు జారి సిగ్గుతోడఁ గొంకితి నేమో చిప్పల రెప్పల జంకించితినట చూడవే చెప్పరాని మాట నీతో జెప్పుటింత చాలదా	॥తన్ను॥
ఊరకే మాటాడక నే నుంటినట చూడవే ఆరడి పరవశాన నైతినో యేమో గోరికొనఁ దనుఁ దక్క గొంటినట చూడవే యేర వేంకటేశ నాతోనింత నీకుఁ జాలదా	॥తన్ను॥