ఆంధ్రభారతి - తాళ్లపాక అన్నమాచార్య కీర్తనలు - ఎన్నడును గోపగించ విందుముఖి నీవిట్లా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 7-4
సంపుటము: 5-41

తాళ్లపాక అన్నమాచార్య

రాగము: శ్రీరాగం

ఎన్నడును గోపగించ విందుముఖి నీవిట్లా విన్నని వదనమెల్లా వింతలాయ నిపుడు	॥పల్లవి॥
ఇంతలోని పనికిఁగా నెంత చేసినాఁడవు కాంత నిన్నటినుండి కనుమూయదాయను బంతికూటి సతులెల్లా బలుమారు నేఁపగా చింతతోఁ బళ్ళెము మీఁద జెయి చాఁచదాయెను	॥ఎన్న॥
ఏమిసేయఁబోయి నీవుయేమి సేసినాఁడవు సాముకు విచ్చేయదు జవరాలు నేఁడు దోమతెర మంచముపై తురుము వీడఁగను తామసించి లేవదిదె తల నొచ్చీననుచు	॥ఎన్న॥
ఎవ్వరిని దూరవచ్చు నెవ్వరున్నారిఁకను పువ్వు సజ్జమీఁదఁ గాఁగె పొలఁతికి దేహము రవ్వగ వేంకటగిరి రమణ నీ కౌఁగిటఁ బవ్వళించి యింతలోనె పరవశమందెను	॥ఎన్న॥