ఆంధ్రభారతి - తాళ్లపాక అన్నమాచార్య కీర్తనలు - అప్పుడే నే నీకు మోహపుటాలనైతినా - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 7-6
సంపుటము: 5-43

తాళ్లపాక అన్నమాచార్య

రాగము: సామంతం

అప్పుడే నే నీకు మోహపుటాలనైతినా కప్పకు నీ చేఁత లంతకంటెఁ బో నేను	॥పల్లవి॥
ఇంచుకంత పనికైన నిల్లుచొరనీక నిన్ను లంచములడుగను నే లకిమమ్మనా వంచనల నీకు నిట్టె వలలఁ జిక్కితిఁ గాక కంచుఁ బదనునకంత కంటెఁబో నేను	॥అప్పుడే॥
సొలపు మాటల నిట్టే చూపులనె జంకించి చలము సాదించ నీ సత్యభామనా వలచి నేనిదె నీకు వసమై చిక్కితిఁగాక కలికి చేఁతలనంత కంటెఁబో నేను	॥అప్పుడే॥
రేపు మాపు గోరఁ దమ్మి రేకులనే లేఖవ్రాసి రూపు నీకు జెప్పిపంప రుకిమిణినా తీపుల నిన్నుఁ గూడి తిరువేంకటేశ విరిఁ గైపు సేయఁగాని అంతకంటెఁబో నేను	॥అప్పుడే॥