ఆంధ్రభారతి - తాళ్లపాక అన్నమాచార్య కీర్తనలు - చాలుఁ జాలును భోగమయమున మైమఱపు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 8-2
సంపుటము: 5-45

తాళ్లపాక అన్నమాచార్య

రాగము: సాళంగనాట

చాలుఁ జాలును భోగమయమున మైమఱపు- పాలుపడునట యేఁటి బ్రదుకురా వోరి	॥పల్లవి॥
ఇందుమఖి నిను గౌఁగిలించి లోపలి జగము కందునని నీ బిగువుఁ గౌఁగిలే వదలె పొందైన వారితోఁ బొసఁగఁ గౌఁగిఁట జేర్పఁ బొందుగాదట యేఁటి పొందురా వోరి	॥చాలు॥
నెలఁత నీ వాలుఁగన్నులు మూసి జగమెల్లఁ గలయఁ జీఁకట్లైన గక్కనను వదలె వలచినంగనలు తమ వలసిన విలాసముల- వలను నెరపని దేఁటి వలపురా వోరి	॥చాలు॥
కొమ్మ నీవురముపై గోరు దివియుచు నాత్మ- నిమ్మైన ననుఁదాక నిద్దరిని దాఁకె దిమ్మరివి కోనేటితిమ్మ నీపైఁ బ్రియము కుమ్మరించని దేఁటి కోర్కిరా వోరి	॥చాలు॥