ఆంధ్రభారతి - తాళ్లపాక అన్నమాచార్య కీర్తనలు - ఎప్పుడు గాని రాఁడో యెంత దడవాయ కాలిఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 8-3
సంపుటము: 5-46

తాళ్లపాక అన్నమాచార్య

రాగము: కాంభోది

ఎప్పుడు గాని రాఁడో యెంత దడవాయ కాలిఁ- చప్పుడాలకించి మతి జల్లురనెనమ్మా	॥పల్లవి॥
ఇద్దరమదరిపాటు యేకాంతాన నాడుకొన్న- సుద్దులు దలఁచిమేను చురుకనెనమ్మా పెద్దగాఁ గస్తూరిబొట్టు పెట్టిన నాతఁడు గోర తిద్దుట దలఁచి మేను దిగులనెనమ్మా	॥ఎప్పుడు॥
పాయక యాతఁడూ నేనుఁ బవ్వళించే యింటివంకఁ బోయి పోయి కడుఁ జిన్న బోతి నోయమ్మా తోయపు గుబ్బల చన్నుదోయి మీఁద వాఁడొ త్తిన- పాయపు జంద్రుల జూచి భ్రమసితినమ్మా	॥ఎప్పుడు॥
కూడిన సౌఖ్యములందు కొదలేని వాని నా- వేడుక మతి దలఁచి వెరగాయ నమ్మా యీడులేని తిరువేంకటేశుఁడిదె నాతోడ నాడినట్టే నాచిత్తమలరించె నమ్మా	॥ఎప్పుడు॥