ఆంధ్రభారతి - తాళ్లపాక అన్నమాచార్య కీర్తనలు - ఎట్టయినఁ జేయరా నీ విఁకనేలా నన్నుఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 8-4
సంపుటము: 5-47

తాళ్లపాక అన్నమాచార్య

రాగము: సామంతం

ఎట్టయినఁ జేయరా నీ విఁకనేలా నన్నుఁ బట్టకుర పలుమారు పదివేలు వచ్చెను	॥పల్లవి॥
ఇంత సేసితివి చాలు నిఁకనేలా తొల్లే యింతటివాఁడని నిన్నెఱగనా ఇంతులపై దయగలదిఁక నేలా నీ- పంతములే నీకుఁజెల్లె పదివేలు వచ్చెను	॥ఎట్టయి॥
ఇచ్చలాడకురా నాతో నికఁనేలా నీ- యచ్చటమ్ములే నిజమాయఁగా యెచ్చరిక మఱచితినిఁకనేలా నన్ను పచ్చిసేయకురా యింత పదివేలు వచ్చెను	॥ఎట్టయి॥
ఇనుమడించె నీచేఁత లిఁకనేలా నీ- కనుమాయలిన్నియుఁ గంటిమిగా యెనసి వేంకటపతి యిఁకనేలా నన్నుఁ బనుపరచితివిట్టే పదివేలు వచ్చెను	॥ఎట్టయి॥