ఆంధ్రభారతి - తాళ్లపాక అన్నమాచార్య కీర్తనలు - వద్దు నీకు నా తోడి వట్టిమాటలు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 9-1
సంపుటము: 5-50

తాళ్లపాక అన్నమాచార్య

రాగము: శ్రీరాగం

వద్దు నీకు నా తోడి వట్టిమాటలు ముద్దులు నీపైఁ గునిసి మురిసీఁబో యిఁకను	॥పల్లవి॥
ఈడ వచ్చి ప్రియము నాకేమి చెప్పేవిందాఁకాఁ గూడినాకెకే ప్రియము గులుకరాదా వాడిక నిందాఁక నీవు వచ్చిన నేరమికి సూడుఁ బాడుఁ జెనకీఁ బో సొలపుఁ జేఁతలనే	॥వద్దు॥
ఎదిరి నావంకఁ దప్పకేమి చూచేవిఁక నీ- ముదితపైనే చూపులు ముంచరాదా మెదలి నా ముంగిలిది మెట్టిన తప్పునకును సద చేసి జగడాలు చల్లెడిఁబో యిఁకను	॥వద్దు॥
ఇట్టు నట్టుఁ జెఱఁగు నాకేల పట్టేవిదె మున్ను పెట్టినాకెకే చెఱఁగు పట్టరాదా వెట్టికూటములు చాలు వేంకటేశ యిదె నిన్ను బెట్టుగాఁగా నలుకలఁ బెట్టుఁగదా యిఁకను	॥వద్దు॥