ఆంధ్రభారతి - తాళ్లపాక అన్నమాచార్య కీర్తనలు - వెరతుమయ్య చూపు వేఁటకాడ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 9-3
సంపుటము: 5-52

తాళ్లపాక అన్నమాచార్య

రాగము: ముఖారి

వెరతుమయ్య చూపు వేఁటకాడ తరితీపు సేసి మమ్మింతటనె యేఁచేవు	॥పల్లవి॥
ఉంటవింటఁ గప్పురాన నుబ్బి నన్ను నేసేవు యింటి వారెవ్వరుంటా యెరఁగవు కంటిమి నీ యదలింపు కరఁగి నేఁబై కొన్న వెంట వెంటఁ దిరిగాడి వెతలఁ బెట్టేవు	॥వెరతు॥
పేలరివై యేడనైనాఁ బేరుకొని పిలిచేవు యేలిన వారెవ్వరంటా నెఱఁగవు తాలిమి మీరఁగ నీ చిత్తములో మెలఁగఁగ కాలూఁదనియ్యక యింత కాఁకలఁ బెట్టేవు	॥వెరతు॥
కొప్పులోని విరులు చెక్కుల జారఁ జెనకేవు యెప్పుడైనా నెవ్వరుంటా నెఱఁగవు కప్పకుర చెఱఁగు వేంకటరాయ చెమటలఁ దొప్పఁదోఁగి యెవ్వతో పొందులకు నేఁగితివి	॥వెరతు॥