ఆంధ్రభారతి - తాళ్లపాక అన్నమాచార్య కీర్తనలు - దుప్పటెల్లా జవ్వాదినే తొప్పఁదోఁగె నీకడనే - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 9-4
సంపుటము: 5-53

తాళ్లపాక అన్నమాచార్య

రాగము: మాళవశ్రీ

దుప్పటెల్లా జవ్వాదినే తొప్పఁదోఁగె నీకడనే వొప్పదా యింతేసి నీకు వో వలపా	॥పల్లవి॥
ఉత్తలపు విరహన నుడుకుచు వయసు మీఁ- దెత్తినది సతి నీకు నిందుకొరకా వత్తునని విచ్చేసి వనితల కుచముల వొత్తగిలి వున్నాఁడ వోహో వలపా	॥దుప్ప॥
నిదుర గంటకి రాక నెలఁత పానుపుమీఁద- నెదురు చూచీ నీకు నిందుకొరకా ముదితల కౌఁగిట ముంచిన కస్తూరి నీకు వుదిరెడి వురమున నో వలపా	॥దుప్ప॥
కన్నుల కలికి నింత కరఁగించి కవుఁగిట ఎన్నిక సేసితివి నీ విందుకొరకా చిన్ని చిన్న నగవుల శ్రీవేంకటేశ నీ- వున్నాఁడవొరపులై వోహో వలపా	॥దుప్ప॥