ఆంధ్రభారతి - తాళ్లపాక అన్నమాచార్య కీర్తనలు - మదము దొలఁకెడియట్టి మంచివయసున మనకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 9-5
సంపుటము: 5-54

తాళ్లపాక అన్నమాచార్య

రాగము: సామంతం

మదము దొలఁకెడియట్టి మంచివయసున మనకు తుదలేని వేడుకలు దొరకుటెన్నఁడురా	॥పల్లవి॥
ఉదుటుఁ జనుదోయి నీవురముపై దనివార- నదిమి మోమును మోము నలమి యలమి వదలైన నీవితో నాలుఁగన్నుల జంకెఁ లొదవ నీ మీఁద నే నొరగుటెన్నఁడురా	॥మదము॥
కలికితనమునఁ నాదు కప్పురపుఁ దమ్ములము కులికి నీ వదనమునఁ గుమ్మరించి పలచనగు గోళ్ళ నీ పగడవాతెర నొక్కి చెలువమగు నునుగంటి సేయుటెన్నఁడురా	॥మదము॥
గరగరని కురులతో కస్తూరివాసనలు విరితావులతోడ విసరఁగాను తిరువేంకటాచలాధిపుఁడ నిను గూడి నే- నరమరచి సదమదములౌట యెన్నఁడురా	॥మదము॥