ఆంధ్రభారతి - తాళ్లపాక అన్నమాచార్య కీర్తనలు - ఊరులేని పొలిమేర పేరు పెంపు లేని బ్రతుకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 9-6
సంపుటము: 5-55

తాళ్లపాక అన్నమాచార్య

రాగము: సౌరాష్ట్రం

ఊరులేని పొలిమేర పేరు పెంపు లేని బ్రతుకు గారవంబు లేని ప్రియము కదియనేఁటికే	॥పల్లవి॥
ఉండరాని విరహవేదన వుండని సురతసుఖమేల యెండలేని నాఁటి నీడ యేమిసేయనే దండిగలుగు తమకమనెడి దండలేని తాలిమేల రెండునొకటి గాని రచన ప్రియములేఁటికే	॥ఊరు॥
మెచ్చులేనిచోట మంచిమేలు గలిగీనేమి సెలవు మచ్చికలేనిచోట మంచిమాటలేఁటికే పెచ్చు పెరుగలేనిచోట ప్రియముగలిగి యేమిఫలము ఇచ్చలేనినాటి సొబగులేమి సేయనే	॥ఊరు॥
బొంకులేని చెలిమిగాని పొందులేల మనసులోన శంకలేక కదియలేని చనవులేఁటికే కొంకుగొసరు లేని మంచికూటమలర నిట్లఁ గూడి వేంకటాద్రివిభుఁడు లేని వేడుకేఁటికే	॥ఊరు॥