ఆంధ్రభారతి - తాళ్లపాక అన్నమాచార్య కీర్తనలు - పలుమరు వుట్లపండుగను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 10-2
సంపుటము: 5-57

తాళ్లపాక అన్నమాచార్య

రాగము: ముఖారి

పలుమరు వుట్లపండుగను చిలుక చిడుక్కని చిందఁగను	॥పల్లవి॥
ఊళ్ళ వీధుల వుట్లు కృష్ణుఁడు తాళ్ళు దెగిపడఁ దన్నుచును పెళ్లు కఠిల్లు పెఠిల్లు చిఠిల్లని పెళ్ళుగ మ్రెసె పెనురవము	॥పలు॥
బంగారు బిందెలఁ బాలుఁ బెరుగులు ముంగిట నెగయుచు మోఁదఁగను కంగు కళింగు కఠింగు ఖణింగని రంగుమీరు పెనురవములై	॥పలు॥
నిగ్గుగ వేంకటనిలయుఁడుట్టిపాఁ లగ్గలికఁ బగుట నడువఁగను భగ్గు భగిల్ల ని పరమామృతములు గుగ్గిలి పదనుగఁ గురియగను	॥పలు॥