ఆంధ్రభారతి - తాళ్లపాక అన్నమాచార్య కీర్తనలు - చెడ్డ చెడ్డ మనసుల చెంచువారము - ఆల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 10-3
సంపుటము: 5-58

తాళ్లపాక అన్నమాచార్య

రాగము: ఆహిరి

చెడ్డ చెడ్డ మనసుల చెంచువారము - ఆల- దొడ్డివాఁడ పోవయ్య దూళికాళ్ల రాక	॥పల్లవి॥
ఏఁటి దాననైతినేమి యెవ్వతె నేనైతినేమి ఆఁటదాని నన్ను నీకు నడుగనేలా మూఁట మాఁటలనె కడు మోవనాడవద్దు లేటి- వేఁటకాఁడ పోవయ్య వెంటవెంట రాక	॥చెడ్డ॥
ఎవ్వరి వారైరేమి యేడనేడ నుండిరేమి దవ్వుచేరువలు నీకు దడవనేలా నవ్వకుండఁగానె వట్టి నవ్వునవ్వేవెవ్వరైన పువ్వక పూచెననేరు పోవయ్య రాక	॥చెడ్డ॥
ఎక్కువ కొప్పయిననేమి యెంత గుబ్బలైన నేమి చక్కఁదనము వొగడ సారె నీకేలా వెక్కసాలు మాని మాతో వేంకటేశ మాయింటి- యిక్కువకే పోవయ్య యింతనంత రాక	॥చెడ్డ॥