ఆంధ్రభారతి - తాళ్లపాక అన్నమాచార్య కీర్తనలు - కలగన్నచోటికిని గంప యెత్తినయట్లు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 11-3
సంపుటము: 5-64

తాళ్లపాక అన్నమాచార్య

రాగము: ముఖారి

కలగన్నచోటికిని గంప యెత్తినయట్లు అలవు మీఱిన దెట్లనమ్మా	॥పల్లవి॥
ఎలయింపుఁ గడకంట నెన్నఁడో వొకనాఁడు చెలఁగి తను నతఁడు చూచినవాఁడట పొలిఁతి యదిదలఁచి యిప్పుడు మదనవేదనల- నలసీ నిఁకనెట్లనమ్మా	॥కలగన్న॥
ఎఱుకయును మఱపుగా నేఁటికో వొకనాఁడు కెఱలి తను నొవ్వఁ బలికినవాఁడట తఱినదియె చెలి యిపుడు దలఁచి పరితాపాగ్ని- నఱగీ నిఁకనెట్లనమ్మా	॥కలగన్న॥
ఇయ్యకోలుగఁ గలసి యెప్పుడో యిదెనేఁడు నెయ్యమున చెలిలోన నెలకొనెనట తియ్యముల సటకాఁడు తిరువేంకటేశ్వరుఁడు అయ్యో యిఁకనెట్లనమ్మా	॥కలగన్న॥