ఆంధ్రభారతి - తాళ్లపాక అన్నమాచార్య కీర్తనలు - పొందెఱుఁగుదునందువు భోగినందువు నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 11-4
సంపుటము: 5-65

తాళ్లపాక అన్నమాచార్య

రాగము: కాంభోది

పొందెఱుఁగుదునందువు భోగినందువు నీ- యందరు సతులకు నేనాకు మడిచిత్తునా	॥పల్లవి॥
ఎవ్వతెకైనాఁ జనవిచ్చేవు మెచ్చేవు నీ- నవ్వులకైనాను మన్ననఁ జూచేవు అవ్వలి యివ్వలి నీ యంగనల వొద్దను పవ్వళించి వుండఁగా నే బాదములొత్తుదునా	॥పొందె॥
ఏపున నెక్కడికైనా నేఁగేవు దాఁగేవు నీ- కోపాన నాతోనైన మేకులు సేసేవు వైపున నీవెందుండైనా వచ్చిన నేనంతలో- నోపికనప్పుడు నీ కూడిగాలు సేతునా	॥పొందె॥
వేడుకలెందైనాఁ బారవేసేవు నీ- వాడికచేఁతలెన్నైనా వన్నె వెట్టేవు ఈడు లేని తిరువేంకటేశ కూడితివి నన్ను వాడుచు నీ తోడ నేను వాసి చూపఁగలనా	॥పొందె॥