ఆంధ్రభారతి - తాళ్లపాక అన్నమాచార్య కీర్తనలు - చాలదా యీ చనవులు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 11-6
సంపుటము: 5-67

తాళ్లపాక అన్నమాచార్య

రాగము: శుద్ధవసంతం

చాలదా యీ చనవులు మేలపు సేఁతల నిన్ను మెచ్చించ గలిగె	॥పల్లవి॥
ఎంతటిదిరా నిన్ను విందాఁక రానీక పంతమాడి వలపించి బాసగొన్నది ఇంతి నోఁచినట్టి నోము యెటువంటిదో నీ చెంతఁజేరీ నీ మంచి చెక్కు నొక్కఁగలిగె	॥చాల॥
ఎవ్వతెరా నిన్ను నెలయించి తన నిండుఁ జవ్వనము విలువిచ్చి జట్టి గొన్నది అవ్వల దాని భాగ్యమది యెట్టిదో నీవు పవ్వళించు పరుపుపై పవ్వళించఁ గలిగె	॥చాల॥
ఎట్టిదిరా సతి నిన్ను యింటిలోన వెళ్ళనీక పట్టుకొని కౌఁగిటిలోఁ బాయనీనిది అట్టె నిన్ను తిరువేంకటాధీశుఁడా నీవు దట్టించు నీ కౌఁగిటిలో తగులఁగఁ గలిగె	॥చాల॥