ఆంధ్రభారతి - తాళ్లపాక అన్నమాచార్య కీర్తనలు - చక్కఁదనముల చేత జవ్వనభారము చేత - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 12-1
సంపుటము: 5-68

తాళ్లపాక అన్నమాచార్య

రాగము: ఆహిరి

చక్కఁదనముల చేత జవ్వనభారము చేత యెక్కడౌటాఁ గానదిఁక నేమి సేతమే	॥పల్లవి॥
ఒయ్యనె బంగారు తూఁగుటుయ్యాల మంచముమీఁద పయ్యెద చెఱఁగు జారఁ బవ్వళించి ముయ్యక మూసిన రెప్ప మూయుచుఁ దెరచుఁ గాని నెయ్యమునఁ జూడనేరదేమి సేతమే	॥చక్క॥
ముత్తేల గద్దియమీఁద ముద్దుల కురులు దూల- నొత్తిలి యొకతె మీఁద నొరగుండి చిత్తగించి చేతనున్న చెంగలున బంతిఁ జెక్కు- లొత్తుఁగాని మాటలొల్లదేమి సేతమే	॥చక్క॥
కమ్మని తావులతోడ కన్నుల నవ్వులతోడ చిమ్ముఁ జెమటలతోడఁ జెలువొంది కొమ్మకు నేడుఁగలిగె కోనేటిరాయని పొందు నెమ్మనము దాఁచ నేరదేమి సేతమే	॥చక్క॥