ఆంధ్రభారతి - తాళ్లపాక అన్నమాచార్య కీర్తనలు - తరుణి నీ యలుక కెంతటిదింతినీ వేళఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 12-3
సంపుటము: 5-70

తాళ్లపాక అన్నమాచార్య

రాగము: శంకరాభరణం

తరుణి నీ యలుక కెంతటిదింతినీ వేళఁ గరుణించఁ గదర వేంకటశైలనాథా	॥పల్లవి॥
ఒకమారు సంసారమొల్లఁ బొమ్మని తలఁచు ఒకమారు విధిసేఁతలూహించి పొగడు ఒకమారు తనుఁజూచి వూరకే తలవూఁచు- నొకమారు హర్షమున నొంది మే మఱచు	॥తరుణి॥
నిన్నుఁ జూచి వొకమారు నిలువెల్లఁ బులకించు తన్నుఁ జూచి వొకమారు తలపోసి నగును కన్ను దెరచి నినుఁజూచి కడు సిగ్గువడి నిలిచి యిన్నియునుఁ దలపోసి యింతలో మఱచు	॥తరుణి॥
వదలైన మొలనూలు గడియించు నొకమారు చెదరిన కురులెల్లఁ జెరుగునొకమారు అదనెరిఁగి తిరువేంకటాదీశ పొందితివి చదురుఁడవు నినుఁ బాయఁజాలదొక మారు	॥తరుణి॥