ఆంధ్రభారతి - తాళ్లపాక అన్నమాచార్య కీర్తనలు - మోహము సేయించుకొని మురిసేవు నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 12-4
సంపుటము: 5-71

తాళ్లపాక అన్నమాచార్య

రాగము: బౌళి

మోహము సేయించుకొని మురిసేవు నీ- సాహసములె దురా చదురాలికిపుడు	॥పల్లవి॥
ఒక్క చక్రమె నీకునున్నది గాని, యింతిఁ రెక్కల చక్రాలె పో రెండు గుబ్బలు మక్కువ సేయించుకొని మలసేవు నీ- చక్కఁదనమెదురా జవరాలికిపుడు	॥మోహ॥
నీలమేఘము చాయ నీమేను గాని పెద్ద- నీలమేఘమే పో నెలఁత కొప్పు జాలిఁ బొరలించేవు సతిని నీవు నీ- తాలిములెదురా తరుణికి విపుడు	॥మోహ॥
మరుని ప్రతినిధి నీ మహిమ గాని ఆ- మరుని సంపదే పో మగువ నేఁడు తిరువేంకటేశ పొందితివి గాని నీ- సరసము లెదురా సకియకు నిపుడు	॥మోహ॥