ఆంధ్రభారతి - తాళ్లపాక అన్నమాచార్య కీర్తనలు - పొదలు నీ సొబగెల్ల పోదేల కొల్ల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 13-2
సంపుటము: 5-75

తాళ్లపాక అన్నమాచార్య

రాగము: ముఖారి

పొదలు నీ సొబగెల్ల పోదేల కొల్ల తుదలేని నీ మేలు దొరకెఁగా నాకు	॥పల్లవి॥
ఒడలిపై నీచెమట వూరు వాడెడు చెలమ జడియు నీ తమకంబు సంత తగరు కడగంటి నీచూపు కట్ట వదలిన క్రేపు వడి నిన్నుఁ గరఁగింప వశమా నాకు	॥పొదలు॥
చిఱునవ్వు నీపలుకు జిగురు చుట్టిన కండె తెఱవలకు నీ మోవి తెరువు పెసరు పఱచు నీనునుఁజేఁత బట్టబాయిటి యీఁత తఱి నిన్నుఁ బైకొనఁగ దరమా నాకు	॥పొదలు॥
చెలువంపు నీ చెలిమి చెఱకు వండిన పండు కెలపు నీ యలుక తంగేటి జున్ను చలివాపు నీచనవు జాజులుఁ ప్రాసాదంబు కలిగె నీకరుణ వేంకట విభుఁడ నాకు	॥పొదలు॥