ఆంధ్రభారతి - తాళ్లపాక అన్నమాచార్య కీర్తనలు - మచ్చికల మొగసిరి మందులాఁడ నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 13-3
సంపుటము: 5-76

తాళ్లపాక అన్నమాచార్య

రాగము: ఆహిరి

మచ్చికల మొగసిరి మందులాఁడ నీ- కిచ్చిన దేహమిది యెట్టయినఁ జేయరా	॥పల్లవి॥
ఓడక యెక్కడనైన నుండి నీవు వేడుకతో మాయింటికి విచ్చేయఁగాను వాడుమోముఁ జూచి నవ్వువచ్చుఁ గాని కోప- మేడఁ దెచ్చుకొన్నరాదు యెట్టైనాఁ జేయరా	॥మచ్చి॥
ఎంతవొద్దు వోయియైనా యిటునీవు వింతలేక మాయింటికి విచ్చేయఁగాను చింతతో నీ కెదురు చూచితి గాని యెంతైనాఁ బాయలేను యెట్టయినాఁ జేయరా	॥మచ్చి॥
కుంకుమచెక్కుల మెఱుఁగులతోడ తిరు- వేంకటేశ మాయింటికి విచ్చేయఁగాను వంకటాడి నినుఁ గూడవలెఁగాని యింక నిన్నుఁ బాయలేను యెట్టయినాఁ జేయరా	॥మచ్చి॥