ఆంధ్రభారతి - తాళ్లపాక అన్నమాచార్య కీర్తనలు - వలపు నిలుపలేనివారము నేమటుగాన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 13-4
సంపుటము: 5-77

తాళ్లపాక అన్నమాచార్య

రాగము: ఆహిరి

వలపు నిలుపలేనివారము నేమటుగాన పలుమారుఁ బట్టుకొన్నఁ బయికొనవేలరా	॥పల్లవి॥
ఒత్తి నీవాడినమాటకోరువఁ జాలక నే- ముత్తరమిత్తము గాని ఊరకుండలేమురా బత్తి గొట్టానఁ బెట్టఁగఁ బనిలేదు వోరి నీ- చిత్తమింతేకాని యిఁక జెప్పనేమున్నదిరా	॥వలపు॥
కాఁకఁల బెరిగినట్టి కళవళమున నిన్నుఁ దాఁకనాడుదుము గాని తడవుండలేమురా యేఁకటఁ జెందినయట్టి యింతుల మాటకు నీవు సోఁకోరువవలెఁ గాక చురుకనరాదురా	॥వలపు॥
సారెకు నీవెడసిన సైఁచలేము నీవు చేరువనలిగి మమ్ముఁ జేకొనవేరా ధీరుఁడవు కోనేటితిరువేంకటేశ నన్ను గారవించి యిట్లానే కరుణించఁ గదరా	॥వలపు॥