ఆంధ్రభారతి - తాళ్లపాక అన్నమాచార్య కీర్తనలు - గోళ్ళు మీఁటుచునుండెఁ గొన్నాళ్ళు గొల్ల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 16-5
సంపుటము: 5-94

తాళ్లపాక అన్నమాచార్య

రాగము: భైరవి

గోళ్ళు మీఁటుచునుండెఁ గొన్నాళ్ళు గొల్ల- వీళ్ళ పాలారగించె వీఁడు కొన్నాళ్ళు	॥పల్లవి॥
కోడెకాఁడై తిరిగెఁ గొన్నాళ్ళు తాఁ గోడెల నావుల- గాచెఁ గొన్నాళ్ళు కోడెల వల్లెతాడై గొల్లెతలా తాఁ గూడి పైకొననుండెఁ గోరి కొన్నాళ్ళు	॥గోళ్ళు॥
గుజ్జు రూపము ధరించెఁ గొన్నాళ్ళు గుజ్జనగూళ్ళారగించెఁ గొన్నాళ్ళు గుజ్జుబాలకిఁ దగిలెఁ గొన్నాళ్ళు తా బొజ్జెనె లోకము నించె పొందుగఁ గొన్నాళ్ళు	॥గోళ్ళు॥
కొండ గొడుగుగాఁ బట్టెఁ గొన్నాళ్ళు తాఁ గొండముచ్చుల నేలెఁ గొన్నాళ్ళు కొండల కోనేటివాఁడై కోరికలా తాఁ గొండుక చేఁతలు దొంకొనియెఁ గొన్నాళ్ళు	॥గోళ్ళు॥