ఆంధ్రభారతి - తాళ్లపాక అన్నమాచార్య కీర్తనలు - దొరకెఁగా పూజ కందువపూజ నీ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 16-6
సంపుటము: 5-95

తాళ్లపాక అన్నమాచార్య

రాగము: ముఖారి

దొరకెఁగా పూజ కందువపూజ నీ- విరహపు తనుతావి విరవాదిపూజ	॥పల్లవి॥
కలికి నీ కనుచూపు కలువరేకులపూజ లలన నీ నగవు మొల్లల పూజ తలపోఁత చింత చిత్తపుఁ గమలపు పూజ చలివేఁడి వూర్పు నీ సంపంగి పూజ	॥దొరకె॥
కవలుఁ జెక్కునఁ జేయి కరపల్లవపు పూజ తనుపులకలు జాజిననలపూజ తనరు నీవలులు దొంతరపూవుల పూజ మొనయుఁ జెమట మల్లె మొగ్గలపూజ	॥దొరకె॥
చెనకు నీ గోళ్ళే చిఱుగేదఁగుల పూజ గునియు గుబ్బలు పూవుగుత్తుల పూజ ఘనతమైఁ గూడి వేంకటపతి మోము సోఁ- కిన నీదుమోవి మంకెనపూవు పూజ	॥దొరకె॥