ఆంధ్రభారతి - తాళ్లపాక అన్నమాచార్య కీర్తనలు - పసులు గాచేటి కోల పసపుఁ జేల - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 17-1
సంపుటము: 5-96

తాళ్లపాక అన్నమాచార్య

రాగము: ముఖారి

పసులు గాచేటి కోల పసపుఁ జేల పొసఁగ నీకింతయేల బుద్ధుల గోల	॥పల్లవి॥
కట్టిన చిక్కపు బుత్తి కచ్చకాయల తిత్తి చుట్టిన పించెపుఁ బాగ చుంగుల సోగ ఇట్టి సింగారము సేయ నింత నీకుఁ బ్రియమాయ వెట్ట నీచేఁతల మాయ విట్టలరాయ	॥పలు॥
పేయలఁ బిలుచుకూఁత పిల్లఁగోవి బలుమోఁత సేయరాని గొల్లెతల సిగ్గులచేఁత ఆయెడలఁ దలపోఁత యమున లోపలి యీఁత వేయరాని మోపులాయ విట్టలరాయ	॥పలు॥
కొంకులేని పొలయాట కూరిములలో తేట అంకెల బాలులతోడి యాట పాట పొంకపు తుత్తురు కొమ్ము పొలుపైన నీ సొమ్ము వేంకటనగము చాయ విట్టలరాయ	॥పలు॥