ఆంధ్రభారతి - తాళ్లపాక అన్నమాచార్య కీర్తనలు - కొలనిదోఁపరికి గొబ్బిళ్ళో యదు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 17-3
సంపుటము: 5-98

తాళ్లపాక అన్నమాచార్య

రాగము: దేసాళం

కొలనిదోఁపరికి గొబ్బిళ్ళో యదు- కులము స్వామికిని గొబ్బిళ్ళో	॥పల్లవి॥
కొండ గొడుగుగా గోవులఁ గాచిన కొండుక శిశువుకు గొబ్బిళ్ళో దుండగంపు దైత్యులకెల్లను తల- గుండు గండనికి గొబ్బిళ్ళో	॥కొలని॥
పాపవిధుల శిశుపాలుని తిట్ల- కోపగానికిని గొబ్బిళ్ళో యేపునఁ గంసుని యిడుమలఁ బెట్టిన- గోపబాలునికి గొబ్బిళ్ళో	॥కొలని॥
దండి వైరులను తఱమిని దనుజుల- గుండె దిగులునకు గొబ్బిళ్ళో వెండిఁ బైఁడియగు వేంకటగిరిపై కొండలయ్యకును గొబ్బిళ్ళో	॥కొలని॥