ఆంధ్రభారతి - తాళ్లపాక అన్నమాచార్య కీర్తనలు - అప్పటిని చెక్కు నొక్కే వందుకా యిది - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 18-5
సంపుటము: 5-106

తాళ్లపాక అన్నమాచార్య

రాగము: పాడి

అప్పటిని చెక్కు నొక్కే వందుకా యిది యెప్పుడో కూడితిరి మీరిందుకా యిది	॥పల్లవి॥
కుందనపు బొమ్మవలెఁ గోపగించుకొని రాఁగా- నందలానఁ బెట్టుకొంటివందుకా యిది జందెపు ముత్తెపుఁ బేరు సందులదండల నిట్టే యిందమంటానింతికిచ్చితిందుకా యిది	॥అప్ప॥
దీకొని కోమలి నిన్నుఁ దిట్టుచు దగ్గరి రాఁగా ఆకు మడిచియ్యఁ జూచేవందుకా యిది మీకు మీకే మందటాడి మీరు మీరేమీలోన యేకమై కూడితిరి మీరిందుకా యిది	॥అప్ప॥
ముద్దులమోముల మీ మీ మోవులపై చేఁతలెల్ల నద్దములోపలఁ జూచేరందుకా యిది తిద్దుకొంటిరి రతులు తిరువేంకటేశ మీ- యిద్దరికి నింపులాయ నిందుకా యిది	॥అప్ప॥