ఆంధ్రభారతి - తాళ్లపాక అన్నమాచార్య కీర్తనలు - చక్కని తల్లికి చాఁగుబళా తన - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 18-6
సంపుటము: 5-107

తాళ్లపాక అన్నమాచార్య

రాగము: పాడి

చక్కని తల్లికి చాఁగుబళా తన- చక్కెరమోవికి చాఁగుబళా	॥పల్లవి॥
కులికేటి మురిపెపు గుమ్మరింపుఁ దన- సళుపుఁ జూపులకు చాఁగుబళా పలుకుల సొలపులఁ బతితోఁ గసరెడి- చలముల యలుకకు చాఁగుబళా	॥చక్కని॥
కిన్నెరతోఁ బతి కెలన నిలుచుఁ దన- చన్ను మెఱఁగులకు చాఁగుబళా ఉన్నతిఁ బతిపైనొరగి నిలుచుఁ దన- సన్నపు నడిమికి చాఁగుబళా	॥చక్కని॥
జందెపు ముత్యపు సరులహారముల - చందనగంధికి చాఁగుబళా విందయి వేంకటవిభుఁ బెనఁచిన తన- సందిదండలకు చాఁగుబళా	॥చక్కని॥