ఆంధ్రభారతి - తాళ్లపాక అన్నమాచార్య కీర్తనలు - ఆఁపలేక నిను దూరేనంతె గాక - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 20-4
సంపుటము: 5-111

తాళ్లపాక అన్నమాచార్య

రాగము: ముఖారి

ఆఁపలేక నిను దూరేనంతె గాక యేఁపుచుఁ గూడేటి పొందులేలయ్య విభుఁడా	॥పల్లవి॥
కోపగించుకొన్నచోట కూరిమితో వినయమే చూపిన నామాట నీకు సొగసీనటే యేపు రేఁగి నీకుఁ బ్రియమెక్కడనో వుండఁగాను తాపమయ్యే పొందు నీకుఁ దగదయ్య విభుఁడా	॥ఆఁప॥
నేరములెన్నఁగ నేను నిజములు పలికిన వైరములే యౌఁగాక వలపౌనటే యీరుదీయఁ బేను వచ్చీనిఁకనేల మాటలు నీ- వారము మమ్మిఁకఁ దడవకుమయ్య విభుఁడా	॥ఆఁప॥
ననిచి కూడినవారు నమ్మక ప్రియునిమీఁద కనలి యాడినమాట కసరౌనటే ఘనుఁడవు తిరువేంకటరాయ మనలోని- కినుకలన్నియు నిట్టె గెలుపయ్య విభుఁడా	॥ఆఁప॥