శృంగార సంకీర్తన
రేకు: 20-5
సంపుటము: 5-112
రేకు: 20-5
సంపుటము: 5-112
తాళ్లపాక అన్నమాచార్య
రాగము: కాంబోది
| అతివ జవ్వనము రాయలకుఁ బెట్టిన (ట్టని) కోట పతి మదనసుఖరాజ్యభారంబు నిలుప | ॥పల్లవి॥ |
| కాంతకనుచూపు మేఘంబులోపలి మెఱుఁగు కాంతుని మనంబు చీఁకటి వాపను ఇంతి చక్కనివదన మిందుబింబము విభుని- వంత కనుదోయి కలువలఁ జొక్కఁజేయ | ॥అతివ॥ |
| అలివేణిధమ్మిల్లమంధకారపు భూమి కలికి రమణునకు నేకతమొసఁగను పొలఁతికి బాహువులు పూవుఁదీగెల కొనలు పొలసి ప్రాణేశు వలపుల లతలఁ బెనచ | ॥అతివ॥ |
| పంకజాననరూపు బంగారులో నిగ్గు వేంకటేశ్వరు సిరులు వెదచల్లఁగా చింకచూపుల చెలియచేఁత మదనునిచేఁత యింకా నతనినె మోహించఁ జేయఁగను | ॥అతివ॥ |