ఆంధ్రభారతి - తాళ్లపాక అన్నమాచార్య కీర్తనలు - కూడులేక యాఁకటికిఁ గూరఁ దిన్నట్లు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

అధ్యాత్మ సంకీర్తన
రేకు: 38-4
సంపుటము: 1-234

తాళ్లపాక అన్నమాచార్య

రాగము: ఆహిరి, అటతాళం

కూడులేక యాఁకటికిఁ గూరఁ దిన్నట్లు ఆడనీడ మోవిచిగురాకు దినేరయ్య	॥కూడు॥
దుండగపుఁ బగవారు దోఁచఁగానే తమకాన కొండలెక్కినట్లు సిగ్గు గొల్లఁ బోఁగాను దండువెళ్లే మదనుని దాడికి సతుల చన్ను- గొండలెక్కి సారెసారె ^[1]గోడనేరయ్య	॥కూడు॥
పొదిగొన్న యలపుతోఁ ^[2]బొదలు తీగెలక్రింద తుదలేని భయముతోఁ దూరినట్లు మృదువైన తరుణుల మెఱఁగు బాహులతల పొదలెల్లఁ దూరితూరి పుంగుడయ్యేరయ్య	॥కూడు॥
వలసగంపల మోపువలె లంపటము మోఁచి తలఁకుచుఁ బారలేక దాఁగినయట్లు యిల వేంకటేశ నిన్నెఱఁగ కింద్రియముల తలవరు లిండ్లనే దాఁగేరయ్య	॥కూడు॥

^[1] గోడు + అనేరు.

^[2] ‘బొదల’ కావచ్చు.