ఆంధ్రభారతి - తాళ్లపాక అన్నమాచార్య కీర్తనలు - ఏలే దగ్గర నియ్యవిట్టె నన్ను - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 21-6
సంపుటము: 5-119

తాళ్లపాక అన్నమాచార్య

రాగము: ముఖారి

ఏలే దగ్గర నియ్యవిట్టె నన్ను తూలపుచ్చి మరుబారిఁ దోయ దొరకొంటివి	॥పల్లవి॥
కాలు దాఁకీ మొక్కేమయ్యా గబ్బిననేవు గనక యేల దగ్గర విచ్చేసేవిట్టె నన్ను వాలుఁగన్నుల రెప్పలు వంచి వంచి మొక్కేవు చాలదటే నన్ను నిట్టె చంపనెత్తుకొంటివి	॥ఏలే॥
తమ్మరసము వడీని తలవయ్య నీ మీఁద యెమ్మెలకడ్డము వచ్చేవు యేఁటికే నీవు వమ్ముదొలి మాటలనె వాఁడివసులనె నన్ను కుమ్ముచుఁ బ్రాణమునిట్టె కొనదొరకొంటివి	॥ఏలే॥
గుబ్బలచెమట దాఁకీఁ గోపగించేవు గనక ఆబ్బురంపుఁ దిరువేంకటాధీశుఁడా జొబ్బిలు నా చెమటల సోనల నించక యట్టే జొబ్బలుగా నామేనెల్లాఁ బొక్కించ దొరకొంటివి	॥ఏలే॥