ఆంధ్రభారతి - తాళ్లపాక అన్నమాచార్య కీర్తనలు - అపురూపమైన మోము దాఁచి యిటువంటి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 23-3
సంపుటము: 5-128

తాళ్లపాక అన్నమాచార్య

రాగము: సామంతం

అపురూపమైన మోము దాఁచి యిటువంటి- కపటపు నటనలు గడియించనేలే	॥పల్లవి॥
కిన్నెరకాయలఁ బోలు కిక్కిరిసినట్టి గుబ్బ- చన్నులపై ననుఁగొంగు జారఁగ కిన్నెర మీఁటుచు మంచి సన్నపు నడపుతో కన్నులు దేలఁగమేను కదలించేవేలే	॥అపు॥
వీడియు వీడనికొప్పు వేగన ముడుచుచు ఆడెడి బిత్తరిమాటలమరఁగా చూడనొప్పె నీ మంచి సుద్దులు చెప్పఁగనెంతే వాడక వాడుదురే వైతాళమేలే	॥అపు॥
చెక్కుటద్దములమీఁది చెమట చిత్తడితోడ సొక్కులు దేరఁగ మేను సుదతికి చిక్కించి నిన్నుఁగూడె శేషగిరీంద్రుఁడు నీ పయి మక్కువగలిగి కొంత మనసియ్యఁడేలే	॥అపు॥