ఆంధ్రభారతి - తాళ్లపాక అన్నమాచార్య కీర్తనలు - కామించి నీవరుగఁ గలయు నాయకుఁడు నేఁ - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 25-5
సంపుటము: 5-142

తాళ్లపాక అన్నమాచార్య

రాగము: ఆహిరి

కామించి నీవరుగఁ గలయు నాయకుఁడు నేఁ- డేమి భాగ్యము సేసెనే తరుణి	॥పల్లవి॥
కాఁగిన గుబ్బలమీఁద కమ్మఁజెమటలఁ దొప్పఁ- దోఁగిన పయ్యెదకొంగు దూలఁగను వేఁగైన కొప్పున క్రొవ్విరులు దురిమి విఱ్ఱ- వీఁగుచు నీవెటు వొయ్యెవే తరుణిం	॥కామిం॥
ఒప్పైన శిరసుమీఁదఁ గుప్పళించిన జవ్వాది చిప్పిలి చెక్కులవెంటఁ జిందఁగను అప్పళించిన కస్తూరిలప్పలు రాలఁగ నీ- విప్పుడెక్కడికి నేఁగేవే వోతరుణి	॥కామిం॥
వీడినది మొలనూలు విరులు చెదరెఁ గొంత వాడినది కెమ్మోని వన్నెలై యీడులేని తిరువేంకటేశుఁడిదె నిన్నుఁ గూడె యీడఁ గొత్తలివి యేఁటివే వోతరుణి	॥కామిం॥