ఆంధ్రభారతి - తాళ్లపాక అన్నమాచార్య కీర్తనలు - ఇన్ని రాసులయునికి యింతి చెలువపురాశి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 25-6
సంపుటము: 5-143

తాళ్లపాక అన్నమాచార్య

రాగము: శుద్ధరామక్రియ

ఇన్ని రాసులయునికి యింతి చెలువపురాశి కన్నె నీరాశికూటమి గలిగిన రాశి	॥పల్లవి॥
కలికి బొమవిండ్లుగల కాంతకును ధనురాశి మెలయు మీనాక్షికిని మీనరాశి కులుకు కుచకుంభముల కొమ్మకును కుంభరాశి చెలఁగు హరిమధ్యకును సింహరాశి	॥ఇన్ని॥
చిన్నిమకరాంకపు బయ్యెద చేడెకు మకరరాశి కన్నెపాయపు సతికి కన్నెరాశి వన్నెమై పైఁడితులఁదూఁగు వనితకుఁ దులారాశి తిన్ననివాఁడి గోళ్ళసతికి వృశ్చికరాశి	॥ఇన్ని॥
ఆముకొను నొరపుల మెరయు నతివకు వృషభరాశి గామిడి గుట్టుమాఁటల సతి కర్కాటకరాశి కోమలపు చిగురువమోవి కోమలికి మేషరాశి ప్రేమ వేంకటపతిఁ గలసె ప్రియమిథునరాశి	॥ఇన్ని॥