ఆంధ్రభారతి - తాళ్లపాక అన్నమాచార్య కీర్తనలు - సింగారరాయనిఁ దిట్టీఁ జెంచెత వేలి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 26-3
సంపుటము: 5-146

తాళ్లపాక అన్నమాచార్య

రాగము: సామంతం

సింగారరాయనిఁ దిట్టీఁ జెంచెత వేలి- వుంగరాలచేత నన్నొత్తకు నీవనుచు	॥పల్లవి॥
గురువింద పొదమరఁగున నుండి బిగిసీని సిరివరు నెదుటనే చెంచెత దొరలకే కాక నెత్తురుమన్ను మాకేల బురదచెమటనామై పొలకంపనుచు	॥సింగా॥
గుదిగొన్న మొగలిరేకుల యెన్ను కొనగోరఁ జిదిమి దేవునివేసీఁ జెంచెత గదరుఁ బిల్లుల నేతికంపు నీ వొళ్ళెల్ల కదియకు నా మేను కంటగించీననుచు	॥సింగా॥
కప్పురపుఁ దావి వేంకటపతికౌఁగిటఁ జెప్పక యేతులే చెప్పీఁ జెంచెత దప్పిదేరు తేనెల తనివార నీమోవి యెప్పుడుఁ బాయక ఇట్టె ఇచ్చేవో యనుచు	॥సింగా॥