ఆంధ్రభారతి - తాళ్లపాక అన్నమాచార్య కీర్తనలు - కొంచెము మాకులము గుణము చంచలము - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 27-1
సంపుటము: 5-150

తాళ్లపాక అన్నమాచార్య

రాగము: రామక్రియ

కొంచెము మాకులము గుణము చంచలము చెంచెతతో నీకు నేల చెప్పవయ్య చలము	॥పల్లవి॥
గదరుఁ గస్తూరిమన్ను కమ్మనిమై పూఁత చెదరిని పట్టునార చీరపాఁత పదిలమైన పండు ఫలము మామేఁత ఇదివో నే మెవ్వరికి నేలయ్య రోఁత	॥కొంచె॥
గుబ్బలపై వెడజారు గురుగింజ పేరు సిబ్బపుఁ జెక్కుల నవ్వుచిక్కుఁ జీరు మబ్బు మబ్బు నెరుల దిమ్మరి కొప్పుతీరు గబ్బిచూపు కన్నుల మాకడనేల నోరు	॥కొంచె॥
అడవి లేఁతచిగురదివో మాపరపు వెడ వెడ నగనే మావింత వొరపు యెడయక తిరువేంకటేశ మాపై వెరపు గొడవకూటమి నిన్నుఁ గూడిన మైమరపు	॥కొంచె॥