ఆంధ్రభారతి - తాళ్లపాక అన్నమాచార్య కీర్తనలు - తక్కులచేఁతల మాయదారివట బొంకు - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 27-2
సంపుటము: 5-151

తాళ్లపాక అన్నమాచార్య

రాగము: వరాళి, ఏకతాళి

తక్కులచేఁతల మాయదారివట బొంకు- నిక్కములు సేయనేమి నేరవా యీ నీవు	॥పల్లవి॥
గుట్టున నూఁదిన పిల్లఁగోవి నీ రవమున వట్టిమాఁకుల నిగురు వెట్టీనట పట్టినఁ గందెడి నామై పై పులకలిగురు - వెట్టఁగా నన్నింత సేయ బెట్ట యీ నీకు	॥తక్కు॥
పాదముచెమటనీరు పరపి దురితముల సేదదేర నిందరిని జేసీనట మేదినీధరుఁడ నీ మేని చెమటలతావి- నాదరించి ననుఁగాచుటరుదా యీ నీకు	॥తక్కు॥
అల నీమదిఁబుట్టిన అంగజుఁడు లోకులను చెలరేఁగి కాఁపురాలు సేయించీనట కలసి వేంకటేశ్వర కందువరతుల నన్ను కలకాలమునేలుట ఘనమా యీ నీకు	॥తుక్కు॥