ఆంధ్రభారతి - తాళ్లపాక అన్నమాచార్య కీర్తనలు - అతఁడు చొచ్చినవేళ నలరు యడవి - తాళ్ళపాక అన్నమాచార్య - అన్నమయ్య పెదతిరుమలాచార్య చిన్నతిరుమలాచార్య చినతిరుమలాచార్య అన్నమయ్య కీర్తనలు సంకీర్తనలు

శృంగార సంకీర్తన
రేకు: 27-4
సంపుటము: 5-153

తాళ్లపాక అన్నమాచార్య

రాగము: శ్రీరాగం

అతఁడు చొచ్చినవేళ నలరు యడవి సతి నీదు మురిపెంపు జవ్వనపుటడవి	॥పల్లవి॥
గురుకుచముగిరుల నెక్కువయైన యడవి తరుణంపు బాహులతల యడవి పురిగొన్న వాలుఁజూపుల తేట యడవి గరిమతోఁ దనుతావి కప్పురపుటడవి	॥అత॥
గనియైన నెరులచీఁకటి పెనుయడవి ఘనమైన జఘనకందకములడవి నునుపు నడపుల యేనుక పెద్దయడవి చెనకు నట్టనడిమి సింహపుటడవి	॥అత॥
అతివ నీ వూరుల యరంట్లయడవి కత కఱపుల చిలుకల యడవి ప్రతిలేని వేంకటపతి యాఁక యడవి తతి నీకుఁ గానతఁడు తపమున్న యడవి	॥అత॥